老實講, 咁多人走, 都係因為工作士氣好低落. 以前會覺得一個地方留唔到人, 係因為工作壓力大、工作量多、人工低、無前景之類, 但係, 我而家更見到因為人既關係更多. 踏出隻腳梨工作, 今年係第五個年頭了, 話多實在唔多, 也不算少. 漸漸地見得不同地方工作既文化不同, 就愈覺得真係「打份工jei」!

隔離team有個同事又話走la, 今次, 我竟然一d 都無覺得唔好, 反而我覺得幾好!! hahha,, 我好壞心腸呀~ 因為, 唔知點解, 世界總係有一d人會響你第一日返工開始就針對你?! 有時, 我都覺得對住呢d 人好大壓力, 有時係佢真係俾壓力你, 例如「講說話你聽」、「一見即散」、「幫你起緋聞」、「零食孤立」、「問責制工作」... 最可怕係總係有一d人會同佢fd, 互相交換小報告.  其實, 佢走左, 呢個世界會平靜一d. 講真, 佢離職, 我的心裡是有一d 暗喜, 亦會想其餘是非團會一齊走. 換著係其他人, 我諗唔係好多人想響呢d工作環境裡面繼續落去, 無人會鍾意日日接受壓力同埋怕被人指點. 不過, 通常響呢一d 環境之下, 得兩三個選擇. 一, 就係唔理佢, 但係自己孤立自己, 同你一樣「清高」既朋友一定唔多. 二, 對抗佢, 同佢地日日玩野. 三, 加入埋佢地, 投其所好, 不過, 都係失敗多架啦.

以前, 我一路都覺得惡勢力通常都係大d, 所以, 麻煩友通常都係講野最大聲, 最多人唔想得罪佢.

記得之前報紙話響美國好受歡迎一個詞語, 就係"toxic friend"(有毒朋友), 即係呢d 朋友, 係「你當佢朋友, 佢當你豬頭」既人, 總係會做出一d令你難堪. 見到"toxic"呢個字, 好貼切地講到呢種朋友. 原來心理學裡面出左呢個新term, 專門幫助果d因為友誼問題受困擾既人, 專門教人點面對呢d有毒既朋友, 甚至教人「絕交」!!

幾好, 如果能夠正式咁俾返個有毒人知道自己既毒數既話, 我諗都幾好. 因為人始終都係想有朋友, 唔想俾人排斥. 其實, 我估呢d有毒人, 都知自己, 同埋自己既盟友都係有毒. 我曾經見證過一個好可怕既一刻. 盟友A同盟友B傾計, 盟友C突然在遠方大叫:「A,你係咪講緊我壞話?」現場真係好認真, 我在場聽都覺得好可怕, 乜友誼會咁薄弱到如此互相猜忌?

唔知係咪因為果個有毒既同事就快要走, 佢突然呢幾日會同我講一兩句野, 好出奇. 可能因為佢都唔想走果日, 都有同事唔鍾意佢啦~ 又或者, 佢都知自己所建立既人際關係其實都幾薄弱, 人走就此終係走. 唉, 都係人之常情. 其實, 佢地呢D人, 又幾可憐既, 令我都會考慮一下會唔會為佢既離開, 做返多d野.

原本, 我都係覺得, 自己對佢都應該唔會做d咩, 反正同佢平日都無野講, 就算我同佢講, 佢又唔會對你好, 重會背後講返你轉頭, 心裡對佢都係有一種唔係幾接受到既心情. 但係今日收工, 都有諗, 如果我而家響街見到佢, 佢又唔係我同事, 我會唔會當識佢呢? 都係果句, 無人想自己多個仇人, 想走左之後有返d朋友. 所以, 我既心情轉化左一d, 無謂為左一個人, 一個好小既事, 令人際關係咁差, 好似成街仇人. human can change ma!

人與人之間真係好冷漠, 對人好一d會死的ma? 就係唔明點解會因為小事, 或眼紅人地既緣故, 就無端端對人地唔好, 令關係好多傷害. 我希望, 自己重信自己, 能夠面對呢d事, 唔好被環境牽引住走, 而係自己帶住環境走. 其實, 唔需要怕toxic 人, 只要同一d岩傾既人走埋一齊, 自然會有一份窂固既關係, 唔駛怕! 

人際關係用是非同小心眼梨交換同建立, 自己又會開心同享受工作咩? 我都係鍾意, 同人一齊努力, 一齊分享喜與悲果種朋友關係. 重有, 唔好再講咁多令人意志消沈既說話, 多D分享同鼓勵! 呢個係籃球隊教我架~~@@!!

http://www.cbsnews.com/stories/2006/01/26/health/webmd/main1242335.shtml